چلتے چلتے تھک کر پوچھا پاﺅں کے چھالوں نے

چلتے چلتے تھک کر پوچھا پاﺅں کے چھالوں نے
بستی  کتنی دور بسا لی  دل میں بسنے والوں نے

ﺗُﺠﮭﮯ ﺍﺱ ﻗﺪﺭ ﮨﯿﮟ ﺷﮑﺎﯾﺘﯿﮟ

ﺗُﺠﮭﮯ ﺍﺱ ﻗﺪﺭ ﮨﯿﮟ ﺷﮑﺎﯾﺘﯿﮟ
ﮐﺒﮭﯽ ﺳُﻦ ﻟﮯ ﻣﯿﺮﯼ ﺣﮑﺎﯾﺘﯿﮟ۔

ﺗُﺠﮭﮯ ﮔﺮ ﻧﮧ ﮐﻮﺋﯽ ﻣﻼﻝ ﮬﻮ
ﻣﯿﮟ ﺑﮭﯽ ﺍﯾﮏ ﺗُﺠﮫ ﺳﮯ ﮔﻠﮧ ﮐﺮﻭﮞ؟

ﻧﮩﯿﮟ ﺍﻭﺭ ﮐُﭽﮫ ﺑﮭﯽ ﺟﻮﺍﺏ ﺍﺏ
ﻣﯿﺮﮮ ﭘﺎﺱ ﺗﯿﺮﮮ ﺳﻮﺍﻝ ﮐﺎ۔

ﺗُﻮ ﮐﺮﮮ ﮔﺎ ﮐﯿﺴﮯ ﯾﻘﯿﮟ ﻣﯿﺮﺍ
ﻣُﺠﮭﮯ ﺗﻮ ﺑﺘﺎ ﺩﮮ ﻣﯿﮟ ﮐﯿﺎ ﮐﺮﻭﮞ؟

ﯾﮧ ﺟﻮ ﺑﮭﻮﻟﻨﮯ ﮐﺎ ﺳﻮﺍﻝ ﮬﮯ
ﻣﯿﺮﯼ ﺟﺎﻥ ﯾﮧ ﺑﮭﯽ ﮐﻤﺎﻝ ﮬﮯ۔

ﺗُﻮ ﻧﻤﺎﺯِ ﻋﺸﻖ ﮬﮯ ﺟﺎﻥِ ﺟﺎﮞ
ﺗُﺠﮭﮯ ﺭﺍﺕ ﻭ ﺩﻥ ﻣﯿﮟ ﺍﺩﺍ ﮐﺮﻭﮞ۔

ﺗﯿﺮﺍ ﭘﯿﺎﺭ ﺗﯿﺮﯼ ﻣﺤﺒﺘﯿﮟ
ﻣﯿﺮﯼ ﺯﻧﺪﮔﯽ ﮐﯽ ﻋﺒﺎﺩﺗﯿﮟ۔

ﺟﻮ ﮬﻮ ﺟﺴﻢ ﻭ ﺟﺎﮞ ﻣﯿﮟ ﺭﻭﺍﮞ ﺩﻭﺍﮞ

 ﺍُﺳﮯ ﮐﯿﺴﮯ ﺧﻮﺩ ﺳﮯ ﺟُﺪﺍ ﮐﺮﻭﮞ؟

ﺗُﻮ ﮬﮯ ﺩﻝ ﻣﯿﮟ، ﺗُﻮ ﮬﯽ ﻧﻈﺮ ﻣﯿﮟ ﮬﮯ
ﺗُﻮ ﮬﮯ ﺷﺎﻡ ﺗُﻮ ﮬﯽ ﺳﺤﺮ ﻣﯿﮟ ﮬﮯ۔

ﺟﻮ ﻧﺠﺎﺕ ﭼﺎﮬﻮﮞ ﺣﯿﺎﺕ ﺳﮯ
ﺗُﺠﮭﮯ ﺑﮭﻮﻟﻨﮯ ﮐﯽ ﺩﻋﺎ ﮐﺮﻭﮞ۔

یا رب ! غمِ ہجراں میں اِتنا تو کیا ہوتا

یا رب ! غمِ ہجراں میں اِتنا تو کیا ہوتا
جو ہاتھ جگر پہ ہے، وہ دست دُعا ہوتا

اِک عشق کا غم آفت، اور اُس پہ یہ دل آفت
یا  غم  نہ  دِیا  ہوتا،  یا  دل  نہ  دِیا  ہوتا

تم گُزرو اور وقت نہ ٹھہرے

تم گُزرو اور وقت نہ ٹھہرے، ایسا تھوڑا ھو سکتا ھے
یاد آؤ اور درد نہ بَھڑکے، ایسا تھوڑا ھو سکتا ھے

صبر کِیا ھے، شُکر کِیا ھے، راضی ھو کر دیکھ لیا ھے
لیکن دل کو چین آ جائے، ایسا تھوڑا ھو سکتا ھے

تَرکِ محبّت کر لینے سے تَرکِ محبّت ھو بھی جائے
کوئی اُسے جا کر سمجھائے، ایسا تھوڑا ھو سکتا ھے

جب تم نے سب راز کی باتیں، گوشِ موجِ ھَوا سے کہہ دِیں
شاخ و شجر تک بات نہ پہنچے، ایسا تھوڑا ھو سکتا ھے

گُذرا لمحہ گُزر گیا ھے، اُس پر اَشک بہانا کیسا
مُٹھی میں پانی آ جائے، ایسا تھوڑا ھو سکتا ھے

پہلے جیسا نہیں ھے کُچھ بھی، اِس پہ تعجب کرنا کیسا
دھوُپ ڈھلے اور رنگ نہ بدلے، ایسا تھوڑا ھو سکتا ھے

سلجھا ہوا سا شخص مجھے سمجھتے ہیں لوگ

سلجھا ہوا سا شخص مجھے سمجھتے ہیں لوگ
الجھا ہوا سا مجھ میں کوئی دوسرا بھی ہے ...!

لا حاصل ہی سہی مگر

لا حاصل  ہی سہی مگر
محبت تجھ سے ہی ہے

جس کے ملنے کی اب نہیں اُمید

جس کے ملنے کی اب نہیں اُمید
اس کا ارمان خوبصورت ہے
ساتھ دیتا ہے وحشتِ دل کا
چاکِ دامان خوبصورت ہے

عشق ھو وقت ھو

عشق ھو وقت ھو کاغذ ھو قلم ھو

تیری ذات ہو  تیرا نام ہو  اور بس

وقت خوش خوش

وقت خوش خوش کاٹنے کا مشورہ دیتے ھوئے
رو پڑا وہ آپ ، مجھ کو حوصلہ دیتے ھوئے

تہوار کہاں سوگ منایا عید کے دن

تہوار کہاں سوگ منایا عید کے دن
تری یاد نے بہت ستایا عید کے دن
 

شغل دنیا ھے رسم بغل گیری مگر تم نے
دستور زمانہ بھی  نہ نبھایا عید کے دن
 

 اشک لیے کہاں پھرنا بھلا اجنبی لوگوں میں
آنکھوں نے یہ کیسا کفر ڈھایا عید کے دن
 

 نت نئی پوشاکوں نے مرے بچوں کو
اپنی محرومیوں کا احساس دلایا عید کے دن
 

 بے کار ھوئی خالد ھر تدبیر ضبط کی
خیال یار نے بہت رلایا عید کے دن

اثر اس کو ذرا نہیں ہوتا

اثر اس کو ذرا نہیں ہوتا
رنج راحت فزا نہیں ہوتا
تُم ہمارے کسی طرح نہ ہوئے
ورنہ دنیا میں کیا نہیں ہوتا

محبّت زندگی بدل دیتی ہے

محبّت زندگی بدل دیتی ہے
مل جائے تو بھی نہ ملے تو بھی

ﺍﺱ ﻧﮯ ﺟﺐ ﭘﻠﮑﻮﮞ ﮐﻮ ﺟﻨﺒﺶ ﺩﯼ ﻋﺪﻡ

ﺍﺱ ﻧﮯ ﺟﺐ ﭘﻠﮑﻮﮞ ﮐﻮ ﺟﻨﺒﺶ ﺩﯼ ﻋﺪﻡ
ﺭﺍﺋﯿﮕﺎﮞ  ﺳﺐ  ﮔﻔﺘﮕﻮ  ﮐﮯ  ﻓﻦ  ﮔﺌﮯ

سکوتِ شام میں گونجی صدا اداسی کی

سکوتِ شام میں گونجی صدا اداسی کی
کہ ہے مزید اداسی، دوا اداسی کی

امورِدل میں کسی تیسرے کا دخل نہیں
یہاں فقط تیری چلتی ہے یا اداسی کی

بہت شریر تھا میں، اور ہنستا پھرتا تھا
پھر اک فقیر نے دے دی دُعا اداسی کی

چراغِ دل کو ذرا احتیاط سے رکھنا
کہ آج رات چلے گی ہوا اداسی کی

بہت دنوں سے ملاقات ہی نہیں محسن
کہیں سے خیر خبر لے کے آ اداسی کی

یہ مسرت کی فضائیں تو چلی جاتی ہیں

یہ مسرت کی فضائیں تو چلی جاتی ہیں !
کل وہی رنج کے، آلام کے دھارے ہوں گے
چند لمحوں کے لیے آج گلے سے لگ جا
اتنے دن تو نے بھی ظلمت میں گزارے ہوں گے

یوں ہی نہیں عشق میں سرشار ہُوا مَیں

یوں ہی نہیں عشق میں سرشار ہُوا مَیں
اک رُوح مری رُوح میں تحلیل ہُوئ ہے

آج پھر درد و غم کے دھاگے میں

آج پھر درد و غم کے دھاگے میں
ہم پرو کر ترے خیال کے پھول

ترکِ الفت کے دشت سے چن کر
آشنائی کے ماہ و سال کے پھول

تیری دہلیز پر سجا آئے
پھر تری یاد پر چڑھا آئے

باندھ کر آرزو کے پلے میں
ہجر کی راکھ اور وصال کے پھول

فیض

زرا ملنے چلے آو

زرا ملنے چلے آو
مجھے کچھ تم سے کہنا ہے
ذیادہ وقت نہیں لوں گا
ذرا سی بات کرنی ہے
نہ دکھ اپنے سنانے ہیں
نہ کوی فریاد کرنی ہے
نہ یہ معلوم کرنا ہے
کہ . . . . . . . . . . . .
اب حالات کیسے ہیں ؟
تمھارے ہمسفر تھے جو
تمھارے ساتھ کیسے ہیں
نہ یہ معلوم کرنا ہے
تمھارے دن رات کیسے ہیں
مجھے بس اتنا کہنا ہے
مجھے تم یاد آتے ھو

تم یاد آتے ھو

ﺧﺒﺮ ﺗﮭﯽ ﮔﮭﺮ ﺳﮯ ﻭﮦ ﻧﮑﻼ ﮨﮯ ﻣﯿﻨﮧ ﺑﺮﺳﺘﮯ ﻣﯿﮟ

ﺧﺒﺮ ﺗﮭﯽ ﮔﮭﺮ ﺳﮯ ﻭﮦ ﻧﮑﻼ ﮨﮯ ﻣﯿﻨﮧ ﺑﺮﺳﺘﮯ ﻣﯿﮟ
ﺗﻤﺎﻡ ﺷﮩﺮ ﻟﺌﮯ ﭼﮭﺘﺮﯾﺎﮞ ﺗﮭﺎ ﺭﺳﺘﮯ ﻣﯿﮟ

ﺑﮩﺎﺭ  ﺁﺋﯽ  ﺗﻮ  ﺍﮎ  ﺷﺨﺺ  ﯾﺎﺩ  ﺁﯾﺎ  ﺑﮩﺖ
ﮐﮧ ﺟﺲ ﮐﮯ ﮨﻮﻧﭩﻮﮞ ﺳﮯ ﺟﮭﮍﺗﮯ ﺗﮭﮯ ﭘﮭﻮﻝ ﮨﻨﺴﺘﮯ ﻣﯿﮟ

ﮐﮩﺎﮞ ﮐﮯ ﻣﮑﺘﺐ ﻭ ﻣُﻠّﺎ، ﮐﮩﺎ ﮞ ﮐﮯ ﺩﺭﺱ ﻭ ﻧﺼﺎﺏ
ﺑﺲ ﺍﮎ ﮐﺘﺎﺏِ ﻣﺤﺒﺖ ﺭﮨﯽ ﮨﮯ ﺑﺴﺘﮯ ﻣﯿﮟ

ﻣﻼ ﺗﮭﺎ ﺍﯾﮏ ﮨﯽ ﮔﺎﮨﮏ ﺗﻮ ﮨﻢ ﺑﮭﯽ ﮐﯿﺎ ﮐﺮﺗﮯ
ﺳﻮ ﺧﻮﺩ ﮐﻮ ﺑﯿﭻ ﺩﯾﺎ ﺑﮯ ﺣﺴﺎﺏ ﺳﺴﺘﮯ ﻣﯿﮟ

ﯾﮧ ﻋﻤﺮ ﺑﮭﺮ ﮐﯽ ﻣﺴﺎﻓﺖ ﮨﮯ ﺩﻝ ﺑﮍﺍ ﺭﮐﮭﻨﺎ
ﮐﮧ ﻟﻮﮒ ﻣﻠﺘﮯ ﺑﭽﮭﮍﺗﮯ ﺭﮨﯿﮟ ﮔﮯ ﺭﺳﺘﮯ ﻣﯿﮟ

ﮨﺮ ﺍﯾﮏ ﺩﺭ ﺧﻮﺭِ ﺭﻧﮓ ﻭ ﻧﻤﻮ ﻧﮩﯿﮟ ﻭﺭﻧﮧ
ﮔﻞ ﻭ ﮔﯿﺎﮦ ﺳﺒﮭﯽ ﺗﮭﮯ ﺻﺒﺎ ﮐﮯ ﺭﺳﺘﮯ ﻣﯿﮟ

ﮨﮯ ﺯﮨﺮِ ﻋﺸﻖ، ﺧﻤﺎﺭِ ﺷﺮﺍﺏ ﺁﮔﮯ ﮨﮯ
ﻧﺸﮧ ﺑﮍﮬﺎﺗﺎ ﮔﯿﺎ ﮨﮯ ﯾﮧ ﺳﺎﻧﭗ ﮈﺳﺘﮯ ﻣﯿﮟ

ﺟﻮ ﺳﺐ ﺳﮯ ﭘﮩﻠﮯ ﮨﯽ ﺭﺯﻡِ ﻭﻓﺎ ﻣﯿﮟ ﮐﺎﻡ ﺁﺋﮯ
ﻓﺮﺍﺯ ﮨﻢ ﺗﮭﮯ ﺍﻧﮩﯿﮟ ﻋﺎﺷﻘﻮﮞ ﮐﮯ ﺩﺳﺘﮯ ﻣﯿﮟ.

ہونٹوں سے چُھو لو تم

ہونٹوں سے چُھو لو تم
میرا گیت امر کر دو
بن جاؤ میت میرے
میری پریت امر کر دو

نہ عمر کی سیما ہو
نہ جنم کا ہو بندھن
جب پیار کرئے کوئی
تو دیکھے کیول من
نئی ریت پہ چل کر تم
یہ ریت امر کر دو
ہونٹوں سے چُھو لو تم

جگ نے چھینا مجھ سے
مجھے جو بھی لگا پیارا
سب جیتا کیئے مجھ سے
میں ہر دم ہی ہارا
تم ہار کے دل اپنا
میری جیت امر کر دو
ہونٹوں سے چُھو لو تم

آکاش کا سُونا پن
میرے تنہا من میں
پائل چھنکاتی تم
آ جاؤ جیون میں
سانسیں دے کر اپنی
سنگیت امر کر دو

ہونٹوں سے چُھو لو تم
میرا گیت امر کر دو
بن جاؤ میت میرے
میری پریت امر کر دو

غیروں سے کہا تم نے

غیروں سے کہا تم نے، غیروں سے سنا تم نے
کچھ ہم سے کہا ہوتا، کچھ ہم سے سنا ہوتا

امید تو بندھ جاتی، تسکین تو ہو جاتی
وعدہ نہ وفا کرتے، وعدہ تو کیا ہوتا

تم میرے پاس ہوتے ھو گویا

تم میرے پاس ہوتے ھو گویا
جب کوئی دوسرا نہیں ھوتا

ہر چیز حد میں اچھی لگتی ہے

ہر چیز حد میں اچھی لگتی ہے
مگر تو بے حد اچھی لگتی ہے

ﮐﺒﮭﯽ ﻧﺎﺭﺍﺽ ﻣﺖ ﮨﻮﻧﺎ

ﮐﺒﮭﯽ ﻧﺎﺭﺍﺽ ﻣﺖ ﮨﻮﻧﺎ
ﮔﻠﮯ ﭼﺎﮨﮯ ﺑﮩﺖ ﮐﺮﻧﺎ
ﺭﻻﻧﺎ ﺍﻭﺭ ﺑﮩﺖ ﻟﮍﻧﺎ
ﺳﻨﻮ ﻧﺎﺭﺍﺽ ﻣﺖ ﮨﻮﻧﺎ

ﮐﺒﮭﯽ ﺍﯾﺴﺎ ﺟﻮ ﮨﻮ ﺟﺎﺋﮯ
ﮐﮧ ﺗﯿﺮﯼ ﯾﺎﺩ ﺳﮯ ﻏﺎﻓﻞ
ﮐﺴﯽ ﻟﻤﺤﮯ ﺟﻮ ﮨﻮ ﺟﺎﺅﮞ
ﺑﻨﺎ ﺩﯾﮑﮭﮯ ﺗﯿﺮﯼ ﺻﻮﺭﺕ
ﮐﺴﯽ ﺷﺐ ﻣﯿﮟ ﺟﻮ ﺳﻮ ﺟﺎﺅﮞ
ﺗﻮ ﺳﭙﻨﻮﮞ ﻣﯿﮟ ﭼﻠﮯ ﺁﻧﺎ
ﻣﺠﮭﮯ ﺍﺣﺴﺎﺱ ﺩِﻻ ﺟﺎﻧﺎ
ﺳﻨﻮ ﻧﺎﺭﺍﺽ ﻣﺖ ﮨﻮﻧﺎ

ﮐﺒﮭﯽ ﺍﯾﺴﺎ ﺟﻮ ﮨﻮ ﺟﺎﺋﮯ
ﺟﻨﮩﯿﮟ ﮐﮩﻨﺎ ﺿﺮﻭﺭﯼ ﮨﻮ
ﻭﮦ ﻣﺠﮫ ﺳﮯ ﻟﻔﻆ ﮐﮭﻮ ﺟﺎﺋﯿﮟ
ﺍﻧﺎ ﮐﻮ ﺑﯿﭻ ﻣﺖ ﻻﻧﺎ
ﻣﯿﺮﯼ ﺁﻭﺍﺯ ﺑﻦ ﺟﺎﻧﺎ
ﮐﺒﮭﯽ ﻧﺎﺭﺍﺽ ﻣﺖ ﮨﻮﻧﺎ

ﺗﻔﺼﯿﻼً ﭼﮭﻮﮌﻭ ﺑﺲ ﺍﺗﻨﺎ ﺳﻨﻮ

ﺗﻔﺼﯿﻼً ﭼﮭﻮﮌﻭ، ﺑﺲ ﺍﺗﻨﺎ ﺳﻨﻮ

 ﺗﻢ ﺑﭽﮭﮍ ﮔﺌﮯ، ﮨﻢ ﺑﮑﮭﺮ ﮔﺌﮯ

جی چاہے تو شیشہ بن جا جی چاہے پیمانہ بن جا

جی چاہے تو شیشہ بن جا، جی چاہے پیمانہ بن جا
شیشہ پیمانہ کیا بننا، مے بن جا، مےخانہ بن جا

مے بن کر، مےخانہ بن کر، مستی کا افسانہ بن جا
مستی کا افسانہ بن کر، ہستی سے بیگانہ بن جا

ہستی سے بیگانہ ہونا، مستی کا افسانہ بننا
اس ہونے سے، اس بننے سے، اچھا ہے دیوانہ بن جا

دیوانہ بن جانے سے بھی، دیوانہ ہونا اچھا ہے
دیوانہ ہونے سے اچھا، خاکِ درِ جاناناں بن جا

خاکِ درِ جاناناں کیا ہے، اہلِ دل کی آنکھ کا سُرمہ
شمع کے دل کی ٹھنڈک بن جا، نُورِ دلِ پروانہ بن جا

سیکھ ذہین کے دل سے جلنا، کاہے کو ہر شمع پہ جلنا
اپنی آگ میں خود جل جائے، تو ایسا پروانہ بن جا

میں تجھ سے کیسے کہوں مہرباں میرے

میں تجھ سے کیسے کہوں مہرباں میرے
کہ تو علاج ہے میری ہر اک اداسی کا

جانے وہ کیسے لوگ تھے

جانے وہ کیسے لوگ تھے
جن کے پیار کو پیار ملا

وہ ہمیں چھوڑ کے اک شام گئے تھے ناصر

وہ ہمیں چھوڑ کے اک شام گئے تھے ناصر
زندگی اپنی اسی شام سے آگے نہ بڑھی

تیری یادوں سے سجے ہیں رات دن میرے

تیری یادوں سے سجے ہیں رات دن میرے
تجھے اگر بھولا تو ویراں ہو جائے گا احمر

یاد آیا تھا بچھڑنا تیرا

یاد آیا تھا بچھڑنا تیرا
پھر نہیں‌ یاد کہ کیا یاد آیا
یہ مُحبّت بھی ہـے کیا روگــــ فرازؔ
جس کو بُھولـے وہ سدا یاد آیا

دل جو تھا اک آبلہ پھوٹا گیا

دل جو تھا اک آبلہ پھوٹا گیا
رات کو سینہ بہت کوٹا گیا
دل کی ویرانی کا کیا مذکور ہے
یہ نگر سو مرتبہ لوٹا گیا

کل چودھویں کی رات تھی شب بھر رہا چرچا تیرا

کل چودھویں کی رات تھی شب بھر رہا چرچا تیرا
کچھ نے کہا یہ چاند ہے کچھ نے کہا چہرہ تیرا

ہم بھی وہیں موجود تھے، ہم سے بھی سب پوچھا کیے
ہم ہنس دیئے، ہم چپ رہے، منظور تھا پردہ تیرا

اس شہر میں کس سے ملیں، ہم سے تو چھوٹیں محفلیں
ہر شخص تیرا نام لے، ہر شخص ہے دیوانہ تیرا

کوچے کو تیرے چھوڈ کر، جوگی ہی بن جائیں مگر
جنگل تیرے، پربت تیرے، بستی تیری، صحرا تیرا

ہم اور رسمِ بندگی ، آشفتگی ، اوفتگی
احسان ہے کیا کیا تیرا، اے حسن بے پروا تیرا

دو اشک جانے کس لئے، پلکوں پہ آکے ٹک گیے
الطاف کی بارش تیری، اکرام کا دریا تیرا

اے بے دریغ و بے ایماں! ہم نے کبھی کی ہے فغاں؟
ہم کو تیری وحشت سہی، ہم کو سہی سواد تیرا

ہم پر یہ سختی کی نظر، ہم ہیں فقیرِ رہگزر
رستہ کبھی روکا تیرا؟ دامن کبھی تھاما تیرا؟

ہاں ہاں تیری صورت حسیں! لیکن تو ایسا بھی نہیں
اس شخص کے اشعار سے شہرہ ہوا کیا کیا تیرا

بے درد سننی ہو تو چل، کہتا ہے کیا اچھی غزل
عاشق تیرا، رسوا تیرا، شاعر تیرا، انشاء تیرا

آپ ہی اپنا تماشائی ہوں

آپ ہی اپنا تماشائی ہوں
میں مبصر ہوں کہ سودائی ہوں
نہ کوئی چاند، نہ تارا، نہ امید
میں مجسم شبِ تنہائی ہوں

کیا خزانے مری جاں ہجر کی شب یاد آئے

کیا خزانے مری جاں، ہجر کی شب یاد آئے
تیرا چہرہ، تیری آنکھیں، تیرے لب یاد آئے

تیری یادوں پہ وار دیتا ہوں

تیری یادوں پہ وار دیتا ہوں
میں رات یونہی گزار دیتا ہوں

تُجھ کو کھو کر بھی تُجھے پاوں جہاں تک دیکھوں

تُجھ کو کھو کر بھی تُجھے پاوں جہاں تک دیکھوں
حُسنِ یزداں سے تُجھے حُسنِ بُتاں تک دیکھوں

تُو نے یوں دیکھا ہے جیسےکبھی دیکھا ہی نہ تھا
میں تو دِل میں تیرے قدموں کے نشاں تک دیکھوں

مجھے لمحہ بھی سال لگتا ہے

مجھے لمحہ بھی سال لگتا ہے
تم نے سالوں سے ٹال رکھا ہے

خاموش لہجے مرے ھمدم کبھی بولا نہیں کرتے

خاموش لہجے مرے ھمدم
کبھی بولا نہیں کرتے

ھم اپنے دل کی باتوں کو
کبھی کھولا نہیں کرتے

مرے خاموش رہنے پر
کوئی الزام مت دینا

سمندر تو سمندر ھیں
کبھی بولا نہیں کرتے

سکوں لُوٹ کر پھر ستانے لگے ہیں

سکوں لُوٹ کر پھر ستانے لگے ہیں
نہ جانے وہ کیوں یاد آنے لگے ہیں
ہیں مخمور آنکھوں پہ زلفوں کے سائے
سرِ مے کدہ ابر چھانے لگے ہیں
ذرا صبر، اے غنچۂ ناشگفتہ
کہ وہ خیر سے مسکرانے لگے ہیں
رہی عمر بھر جن کی تصویر دل میں
تصور میں آ کر ستانے لگے ہیں
قضا نے بھی پایا نہ ان کا ٹھکانہ
تِرے ہاتھ سے جو ٹھکانے لگے ہیں
نہ جانے وہ اک لمحۂ قُرب کیا ہے
تعاقب میں جس کے زمانے لگے ہیں
بہت بے سکوں ہے نصیرؔ آج کوئی
ترِے اشک بھی رنگ لانے لگے ہیں

یہ یاد نہیں کب پیار ہوا

یہ یاد نہیں کب پیار ہوا
بس یاد رہا مجھے پیار ہوا
جب پیار ہوا سب بھول گیا
اک یاد رہا بس نام تیرا
ہم مسجد مندر سب بھول گئے
مجھے یاد رہا بس نام تیرا
کچھ سالوں بعد وہ ہم سے ملے
میں پوچھ بیٹھا کیا حال تیرا
وہ ہنس ک بولے ... اے پاگل
تو یہ تو بتا کیا نام تیرا

عمر کتنی منزلیں طے کر چکی

عمر کتنی منزلیں طے کر چکی،
دل جہاں ٹھہرا تھا ٹھہرا رہ گیا

چاند نکلے کسی جانب تری زیبائی کا

چاند نکلے کسی جانب تری زیبائی کا
رنگ بدلے کسی صورت شبِ تنہائی کا

دولتِ لب سے پھر اے خسروِ شیریں دہناں
آج ارزاں ہو کوئی حرف شناسائی کا

گرمیِ رشک سے ہر انجمنِ گُل بدناں
تذکرہ چھیڑے تری پیرہن آرائی کا

صحنِ گلشن میں کبھی اے شہِ شمشاد قداں
پھر نظر آئے سلیقہ تری رعنائی کا

ایک بار اور مسیحائے دلِ دل زدگاں
کوئی وعدہ، کوئی اقرار مسیحائی کا

دیدہ و دل کو سنبھالو کہ سرِ شامِ فراق
ساز و سامان بہم پہنچا ہے رسوائی کا۔۔۔!!

فیض احمد فیض

یہ بھی ہو سکتا ھے ھم یاد نہ کرتے ھوں تُمھیں

یہ بھی ہو سکتا ھے ھم یاد نہ کرتے ھوں تُمھیں
یہ بھی ممکن ھے تُمھیں ھم نے بُھلایا ہی نہ ھو

ہم تیرے ہیں یہ راز تو تم جان گئے ہو

ہم تیرے ہیں یہ راز تو تم جان گئے ہو
تم کس کے ہو یہ درد ہمیں سونے نہیں دیتا

میری پسند تیری یاد

میری پسند تیری یاد، میری شاعری تیری یاد
میرے شعر، میرا سخن، بس تو اور تیری یاد

 
احمرجعفری

رہزن ہے میرا رہـــــــبر منصـــــف ہے میرا قاتل

رہزن ہے میرا رہـــــــبر، منصـــــف ہے میرا قاتل
کہہ دوں تو بغاوت ہے، سہہ لوں تو قیامت ہے

بچھڑ گیا ہر ساتھی دے کر پل دو پل کا ساتھ

بچھڑ گیا ہر ساتھی   دے کر پل دو پل کا ساتھ
کس کو فرصت ہـے جو تھامـے دیوانوں کا ہاتھ

ساتھ لمحوں کا یاد برسوں کی

ساتھ لمحوں کا ... یاد برسوں کی
میرے دوست کی یہی بات بری ہے

ﺍﯾﮏ ﺭﺳﻢ دنیا ﮨﮯ ﺩﺍﺩِ ﺳﺨﻦ ﻭﺭﻧﮧ

ﺍﯾﮏ ﺭﺳﻢ دنیا ﮨﮯ ﺩﺍﺩِ ﺳﺨﻦ ﻭﺭﻧﮧ
سمجھا کسی کسی نے میرے سخن کو

احمرجعفری

ساری دنیا غریب ہو جاتی

ساری دنیا غریب ہو جاتی
تم اگر مجھ کو مل گئے ہوتے

ﻏﯿﺮ ﮐﮯ ﺩﻝ ﻣﯿﮟ ﮔﺮ ﺍﺗﺮﻧﺎ ہی ﺗﮭﺎ

ﻏﯿﺮ ﮐﮯ ﺩﻝ ﻣﯿﮟ ﮔﺮ ﺍﺗﺮﻧﺎ ہی ﺗﮭﺎ
احمر کے ﺩﻝ ﺳﮯ ﺍﺗﺮ ﮔﺌﮯ ﮨﻮﺗﮯ

ﺗﻢ ﭘﻮﭼﮭﻮ ﺍﻭﺭ ﻣﯿﮟ ﻧﮧ ﺑﺘﺎﺅﮞ ﺍﯾﺴﮯ ﺗﻮ ﺣﺎﻻﺕ ﻧﮩﯿﮟ

ﺗﻢ ﭘﻮﭼﮭﻮ ﺍﻭﺭ ﻣﯿﮟ ﻧﮧ ﺑﺘﺎﺅﮞ، ﺍﯾﺴﮯ ﺗﻮ ﺣﺎﻻﺕ ﻧﮩﯿﮟ
ﺍﯾﮏ ﺫﺭﺍ ﺳﺎ ﺩﻝ ﭨُﻮﭨﺎ ﮨﮯ، ﺍﻭﺭ ﺗﻮ ﮐﻮﺋﯽ ﺑﺎﺕ ﻧﮩﯿﮟ

ﮐﺲ ﮐﻮ ﺧﺒﺮ ﺗﮭﯽ ﺳﺎﻧﻮﻟﮯ ﺑﺎﺩﻝ ﺑِﻦ ﺑﺮﺳﮯ ﺍُﮌ ﺟﺎﺗﮯ ﮨﯿﮟ
ﺳﺎﻭﻥ ﺁﯾﺎ، ﻟﯿﮑﻦ ﺍﭘﻨﯽ ﻗﺴﻤﺖ ﻣﯿﮟ ﺑﺮﺳﺎﺕ ﻧﮩﯿﮟ

ﭨُﻮﭦ ﮔﯿﺎ ﺟﺐ ﺩﻝ ﺗﻮ ﭘﮭﺮ ﯾﮧ ﺳﺎﻧﺲ ﮐﺎ ﻧﻐﻤﮧ ﮐﯿﺎ ﻣﻌﻨﯽ
ﮔﻮﻧﺞ ﺭﮨﯽ ﮨﮯ ﮐﯿﻮﮞ ﺷﮩﻨﺎﺋﯽ، ﺟﺐ ﮐﻮﺋﯽ ﺑﺎﺭﺍﺕ ﻧﮩﯿﮟ

ﻏﻢ ﮐﮯ ﺍﻧﺪﮬﯿﺎﺭﮮ ﻣﯿﮟ ﺗﺠﮫ ﮐﻮ ﺍﭘﻨﺎ ﺳﺎﺗﮭﯽ ﮐﯿﻮﮞ ﺳﻤﺠﮭﻮﮞ
ﺗُﻮ ﭘﺮ ﺗُﻮ ﮨﮯ، ﻣﯿﺮﺍ ﺗﻮ ﺳﺎﯾﮧ ﺑﮭﯽ ﻣﯿﺮﮮ ﺳﺎﺗﮫ ﻧﮩﯿﮟ

ﻣﺎﻧﺎ ﺟﯿﻮﻥ ﻣﯿﮟ ﻋﻮﺭﺕ ﺍِﮎ ﺑﺎﺭ ﻣﺤﺒﺖ ﮐﺮﺗﯽ ﮨﮯ
ﻟﯿﮑﻦ ﻣﺠﮫ ﮐﻮ ﯾﮧ ﺗﻮ ﺑﺘﺎ ﺩﮮ ﮐﯿﺎ ﺗُﻮ ﻋﻮﺭﺕ ﺫﺍﺕ ﻧﮩﯿﮟ

ﺧﺘﻢ ﮨﻮﺍ ﻣﯿﺮﺍ ﺍﻓﺴﺎﻧﮧ، ﺍﺏ ﯾﮧ ﺁﻧﺴﻮ ﭘﻮﻧﭽﮫ ﺑﮭﯽ ﻟﻮ
ﺟﺲ ﻣﯿﮟ ﮐﻮﺋﯽ ﺗﺎﺭﺍ ﭼﻤﮑﮯ ﺁﺝ ﮐﯽ ﺭﺍﺕ ﻭﮦ ﺭﺍﺕ ﻧﮩﯿﮟ

ﻣﯿﺮﮮ ﻏﻤﮕﯿﮟ ﮨﻮﻧﮯ ﭘﺮ ﺍﺣﺒﺎﺏ ﮨﯿﮟ ﯾﻮﮞ ﺣﯿﺮﺍﮞ ﻗﺘﯿﻞ
ﺟﯿﺴﮯ ﻣﯿﮟ ﭘﺘﮭﺮ ﮨﻮﮞ، ﻣﯿﺮﮮ ﺳﯿﻨﮯ ﻣﯿﮟ ﺟﺬﺑﺎﺕ ﻧﮩﯿﮟ

احمر جب وہ تیرا نہیں تو کسی کا بھی ہو

احمر جب وہ تیرا نہیں تو کسی کا بھی ہو
کیوں ہوتا ہے اس کے لیے رنجیدہ تو

خواہشوں کو اپنی دفنا دے یادوں کو بھلا دے
وہ تیرا نہیں اسے اپنے خیالوں سے مٹا دے

جو خیال تھے نہ قیاس تھے وہی لوگ مجھ سے بچھڑ گئے

جو خیال تھے نہ قیاس تھے وہی لوگ مجھ سے بچھڑ گئے
جو محبتوں کے اساس تھے وہی لوگ مجھ سے بچھڑ گئے
جنہیں مانتا ہی نہیں یہ دل، وہی لوگ میرے ہیں ہمسفر
مجھے ہر طرح سے جو راس تھے وہی لوگ مجھ سے بچھڑ گئے

مجھے لمحہ بھر کی رفاقتوں کے سراب اور ستائیں گے
میری عمر بھر کی جو پیاس تھے وہی لوگ مجھ سے بچھڑ گئے

یہ خیال سارے ہیں عارضی،یہ گلاب سارے ہیں کاغذی
گلِ آرزو کی جو باس تھے وہی لوگ مجھ سے بچھر گئے

جنہیں کر سکا نہ قبول میں،وہ شریک راہِ سفر ہوئے
جو مری طلب مِری آس تھے وہی لوگ مجھ سے بچھڑ گئے

مری دھڑکنوں کے قریب تھے ،مری چاہ تھے ،مرا خواب تھے
جو روز و شب مرے پاس تھے وہی لوگ مجھ سے بچھڑ گئے

گزر رہے ہیں شب و روز تم نہیں آتیں

گزر رہے ہیں شب و روز تم نہیں آتیں
ریاضِ زیست ہے آزردۂ بہار ابھی
مرے خیال کی دنیا ہے سوگوار ابھی
جو حسرتیں ترے غم کی کفیل ہیں پیاری
ابھی تلک مری تنہائیوں میں بستی ہیں
طویل راتیں ابھی تک طویل ہیں پیاری
اداس آنکھیں تری دید کو ترستی ہیں

بہارِ حسن ، پہ پابندیِ جفا کب تک؟
یہ آزمائشِ صبرِ گریز پا کب تک؟

قسم تمہاری بہت غم اٹھا چکا ہوں میں
غلط تھا دعویِ صبر و شکیب، آجاؤ
قرارِ خاطرِ بیتاب، تھک گیا ہوں میں

فیض احمد فیض

ہم سوختہ جانوں کی خاطر آرائش عارض و لب ہی سہی

ہم سوختہ جانوں کی خاطر آرائش عارض و لب ہی سہی
جو برسوں تم کر نہ سکے وہ قتل کے ساماں اب ہی سہی

اے بادہ ناب کے رکھوالے،دو گھونٹ ادھر بھی پہنچا دے
معیارِ کرم اس محفل کا پیمانہ نام و نسب ہی سہی

جو کچھ بھی کوئی کہتا ہے کہے، اظہارِ تمنا تو ہو گا
ہم اہل جنوں کی باتوں میں کچھ پہلو ئے سوئے ادب ہی سہی

موجود ہیں پنچھی گلشن میں پھر کیوں ہے سکوت مرگ یہاں
پر شور ترانوں کے بدلے اک نغمہ زیر لب ہی سہی

اپنے پہ بھروسہ ہے جن کو، نغماتِ سحر بھی سن لیں گے
کرنوں کی دمکتی آہٹ تک نقارۃ آخر شب ہی سہی

آلودہ زُباں ہو جائے گی، انصاف کی میٹھی بولی ہے
تم اپنی روش کو مت بدلو، ہم مورد قہر و غضب ہی سہی

دیکھا ہے قتیل آخر سب نے اس شوخ کو بھی مائل بہ کرم
اس کارِ نُمایاں کے پیچھے گستاخی دستِ طلب ہی سہی

کہاں سے چل کے اے ساقی کہاں تک بات پہنچی ہے

کہاں سے چل کے اے ساقی کہاں تک بات پہنچی ہے
تری آنکھوں سے عمرِ جاوداں تک بات پہنچی ہے

مبادا بات بڑھ کر باعثِ تکلیف ہو جائے
وہیں پر ختم کر دیجے جہاں تک بات پہنچی ہے

ابھی تو اس کی آنکھوں نے لیا ہے جائزہ دل کا
ابھی تو ابتدائے داستاں تک بات پہنچی ہے

عدم جھگڑا قیامت تک گیا ہے جرمِ ہستی کا
ذرا سی بات تھی لیکن کہاں تک بات پہنچی ہے

سحر پھونکتی ہوئی اُس کی ساحر آنکھیں

سحر پھونکتی ہوئی اُس کی ساحر آنکھیں
جادو کر کے کہاں گئیں وہ جادوگر آنکھیں

دو موسم اِک پل میں کیسے آ سکتے ہیں
وہ شاداب چہرہ، میری پت جھڑ آنکھیں

دل سینے میں ہے، لاج بچا لیتا ہے
عشق کو رُسوا کرتی ہیں، اکثر آنکھیں

بے فصل سے موسم تن بدن پہ ٹھہر گئے
خواب کہاں اُگیں، سیم زدہ بنجر آنکھیں

کون سہے گا عذاب ہجر کا پوچھا تھا
رونے والے نے کہا تھا ہنس کر، آنکھیں

کانچ جذبے، موم دل، محبت والوں کے
آگ سی باتیں اہلِ جہاں کی، پتھر آنکھیں

سحر پھونکتی ہوئی اُس کی ساحر آنکھیں
جادو کر کے کہاں گئیں وہ جادوگر آنکھیں

کب سماں تھا بہار سے پہلے

کب سماں تھا بہار سے پہلے
غم کہاں تھا بہار سے پہلے

ایک ننھا سا آرزو کا دیا
ضوفشاں تھا بہار سے پہلے

اب تماشا ہے چار تنکوں‌کا
آشیاں تھا بہار سے پہلے

اے مرے دل کے داغ یہ تو بتا
تو کہاں تھا بہار سے پہلے

پچھلی شب میں خزان کا سناٹا
ہم زباں‌تھا بہار سے پہلے

چاندنی میں‌یہ آگ کا دریا
کب رواں تھا بہار سے پہلے

بن گیا ہے سحابِ موسمِ گل
جو دھواں تھا بہار سے پہلے

لُٹ گئی دل کی زندگی ساغر
دل جواں‌تھا بہار سے پہلے

اسیرِ جسم ہوں میعادِ قید لا معلوم

اسیرِ جسم ہوں، میعادِ قید لا معلوم
یہ کس گناہ کی پاداش ہے' خدا معلوم

تری گلی بھی مجھے یوں تو کھینچتی ہے بہت
دراصل ہے مری مٹّی کہاں کی کیا معلوم

سفر ضرور ہے اور عُذر کی مجال نہیں
مزہ تو یہ ہے 'نہ منزل' نہ راستہ معلوم

دعا کروں نہ کروں سوچ ہے یہی کہ تجھے
دعا سے پہلے مرے دل کا مُدّعا معلوم

سُنی حکایتِ ہستی تو درمیاں سے سُنی
نہ ابتداؑ کی خبر ہے 'نہ انتہا معلوم

کچھ اپنے پاؤں کی ہمّت بھی چاہییے اے پیر !
یہی نہیں تو مددگاری ء عصا معلوم

طلب کریں بھی تو کیا شے طلب کریں' اے شاد !
ہمیں کو آپ نہیں اپنا مدّعا معلوم

جام ایسا تیری آنکھوں سے عطا ہو جائے

جام ایسا تیری آنکھوں سے عطا ہو جائے
ہوش موجود رہے اور نشہ ہو جائے

اس طرح میری طرف میرا مسیحا دیکھے
درد دل ہی میں رہے اور دوا ہو جائے
-♥-

تمہاری دید کو ترستی رہ گئیں میری آنکھیں

تمہاری دید کو ترستی رہ گئیں میری آنکھیں
شب ہجراں نہ چین آیا ، نہ نیند آئی ، نہ تم آئے
-♥-

میں تو یک مُشت اُسے سونپ دوں سب کچھ لیکن

میں تو یک مُشت اُسے سونپ دوں سب کچھ لیکن
اِک مٹھی میں میرے خواب کہاں آتے ہیں
-♥-

  مدتوں بعد اُسے دیکھ کر دل بھر آیا
ورنہ صحراؤں میں سیلاب کہاں آتے ہیں

تم تم تم اور صرف تم

تم ، تم ، تم اور صرف تم
لو ختم ہوئی یہ داستان دل
-♥-

کبھی تمنا کے راستوں پر نکل پڑو

میں تنہائی کو تنہائی میں تنہا کیسے چھوڑ دوں

میں تنہائی کو تنہائی میں تنہا کیسے چھوڑ دوں
تنہائی نے تنہائی میں تنہا میرا ساتھ دیا ہے

یہ بھی اک تماشا ہے عشق و محبّت میں

یہ بھی اک تماشا ہے عشق و محبّت میں
دل کسی کا ہوتا ہے اور بس کسی کا چلتا ہے

آرزو کر نہ سکی ترکِ تعلق کو قبول

آرزو کر نہ سکی ترکِ تعلق کو قبول
تجھ سے بچھڑے تو تری یاد کے ہو بیٹھے

ابھی ابھی وہ ملا تھا ہزار باتیں کیں

ابھی ابھی وہ ملا تھا ہزار باتیں کیں
ابھی ابھی وہ گیا ہے مگر زمانہ ہوا

-♥-

چلو عشق نہیں چاہنے کی عادت ہے

چلو عشق نہیں چاہنے کی عادت ہے
کیا کریں کہ ہمیں دوسروں کی عادت ہے

تو اپنی شیشہ گری کا نہ کر ہنر ضائع
میں آئینہ ہوں مجھے ٹوٹنے کی عادت ہے

وصال میں بھی وہی فاصلے سراب کے ہیں
کہ اسکو نیند مجھ کو رتجگے کی عادت ہے

تیرا نصیب ہے اے دل صدا کی محرومی
نہ وہ سخی نہ تجھے مانگنے کی عادت ہے

یہ خود اذیتی کب تک فراز تو بھی اسے
نہ کر یاد کہ جسے بھولنے کی عادت ہے

ﮐﻮﺋﯽ ﺗﻮ ﮨﻮ ﺟﻮ ﻣﯿﺮﯼ ﻭﺣﺸﺘﻮﮞ ﮐﺎ ﺳﺎﺗﮭﯽ ﮨﻮ

ﺩﯾﺎﺭ ﻧﻮﺭ ﻣﯿﮟ ﺗﯿﺮﺍ ﺷﺒﻮﮞ ﮐﺎ ﺳﺎﺗﮭﯽ ﮨﻮ۔۔
ﮐﻮﺋﯽ ﺗﻮ ﮨﻮ ﺟﻮ ﻣﯿﺮﯼ ﻭﺣﺸﺘﻮﮞ ﮐﺎ ﺳﺎﺗﮭﯽ ﮨﻮ

ﻣﯿﮟ ﺍﺱ ﺳﮯ ﺟﮭﻮﭦ ﺑﮭﯽ ﺑﻮﻟﻮﮞ ﺗﻮ ﻣﺠﮫ ﺳﮯ ﺳﭻ ﺑﻮﻟﮯ
ﻣﯿﺮﮮ ﻣﺰﺍﺝ ﮐﮯ ﺳﺐ ﻣﻮﺳﻤﻮﮞ ﮐﺎ ﺳﺎﺗﮭﯽ ﮨﻮ

ﻭﮦ ﻣﯿﺮﮮ ﻧﺎﻡ ﮐﯽ ﻧﺴﺒﺖ ﺳﮯ ﻣﻌﺘﺒﺮ ﭨﮭﺮﮮ
ﮔﻠﯽ ﮔﻠﯽ ﻣﯿﺮﯼ ﺭﺳﻮﺍﺋﯿﻮﮞ ﮐﺎ ﺳﺎﺗﮭﯽ ﮨﻮ

ﻣﯿﮟ ﺍﺱ ﮐﮯ ﮨﺎﺗﮫ ﻧﮧ ﺁﻭﮞ‘ ﻭﮦ ﻣﯿﺮﺍ ﮨﻮ ﮐﮯ ﺭﮨﮯ
ﻣﯿﮟ ﮔﺮ ﭘﮍﻭﮞ ﺗﻮ ﻣﯿﺮﯼ ﭘﺴﺘﯿﻮﮞ ﮐﺎ ﺳﺎﺗﮭﯽ ﮨﻮ

ﻭﮦ ﺧﻮﺍﺏ ﺩﯾﮑﮭﮯ ﺗﻮ ﺩﯾﮑﮭﮯ ﻣﯿﺮﮮ ﺣﻮﺍﻟﮯ ﺳﮯ
ﻣﯿﺮﮮ ﺧﯿﺎﻟﻮﮞ ﮐﮯ ﺳﺐ ﻣﻨﻈﺮﻭﮞ ﮐﺎ ﺳﺎﺗﮭﯽ ﮨﻮ

ﮐﻮﺋﯽ ﺗﻮ ﮨﻮ ﺟﻮ ﻣﯿﺮﯼ ﻭﺣﺸﺘﻮﮞ ﮐﺎ ﺳﺎﺗﮭﯽ ﮨﻮ

ﻣﯿﺮﯼ ﻭﺣﺸﺘﻮﮞ ﮐﺎ ﺳﺎﺗﮭﯽ

یہ حدیں نہ توڑ دینا ، میرے دائرے میں رہنا

یہ حدیں نہ توڑ دینا ، میرے دائرے میں رہنا
مجھے اپنے دل میں رکھنا ، میرے حافظے میں رہنا

میرا بوجھ خود اٹھانا ، میرا کرب آپ سہنا
میرے زخم بانٹ لینا ، میرے رتجگے میں رہنا

میرے حکم خود سننا ، میری مہر خود لگانا
میرے مشورے میں ہونا ، میرے فیصلے میں رہنا

میرے منظروں میں بسنا ، میری گفتگو میں ہونا
میرے لمس میں سمانا ، میرے ذائقے میں رہنا

کبھی دھوپ کے نگر میں میرا ساتھ چھوڑ جانا
کبھی میرا عکس بن کر میرے آئینے میں رہنا

کبھی منزلوں کی صورت میری دسترس سے باہر
کبھی سنگ میل بن کر میرے راستے میں رہنا

میرے ہاتھ کی لکیریں ترا نام بن کے چمکیں
میری خواہشوں کی خوشبو ، میرے زائچے میں رہنا

چلی ہے شہر میں اب کے ہوا ترکِ تعلق کی

چلی ہے شہر میں اب کے ہوا ترکِ تعلق کی
کہیں ہم سے نہ ہو جائے خطا ترکِ تعلق کی

بناوٹ گفتگو میں ، گفتگو بھی اکھڑی اکھڑی سی
تعلق رسمی رسمی سا ، ادا ترکِ تعلق کی

ہمیں وہ صبر کے اس موڑ تک لانے کا خواہاں ہے
کہ تنگ آجائیں ہم ، مانگیں دعا ترکِ تعلق کی

بہانے ڈھونڈتا رہتا ہے وہ ترک مراسم کے
اسے ویسے بھی عادت ہے ذرا ترکِ تعلق کی

یہ بندھن ہم نے باندھا تھا سلامت ہم کو رکھنا تھا
بہت کوشش تو اس نے کی سدا ترکِ تعلق کی

وہ ملتا بھی محبت سے ہے لیکن عادتاً ساجد
کئے جاتا ہے باتیں جا بجا ترکِ تعلق کی

دل اداس ہے بہت کوئی پیغام ہی لکھ دو

دل اداس ہے بہت کوئی پیغام ہی لکھ دو
تم اپنا نام نہ لکھو ، گمنام ہی لکھ دو

میری قسمت میں غم تنہائی ہے لیکن
تمام عمر نہ لکھو مگر اک شام ہی لکھ دو

ضروری نہیں کہ مل جائے سکون ہر کسی کو
سر بزم نہ آؤ مگر بے نام ہی لکھ دو

یہ جانتا ہوں کہ عمر بھر بن تیرے مجھکو رہنا ہے
مگر پل دو پل، گھڑی دو گھڑی، میرے نام ہی لکھ دو

چلو ہم مان لیتے ہیں کہ سزا کے مستحق ٹہرے ہم
کوئی انعام نہ لکھو کوئی الزام ہی لکھ دو

سنا ہے لوگ اُسے آنکھ بھر کے دیکھتے ہیں

سنا ہے لوگ اُسے آنکھ بھر کے دیکھتے ہیں
تو اس کے شہر میں‌کچھ دن ٹھہر کے دیکھتے ہیں

سنا ہے ربط ہے اس کو خراب حالوں سے
سو اپنے آپ کو برباد کر کے دیکھتے ہیں

سنا ہے درد کی گاہک ہے چشمِ ناز اس کی
سو ہم بھی اس کی گلی سے گزر کے دیکھتے ہیں

سنا ہے اس کو بھی ہے شعر و شاعری سے شغف
تو ہم بھی معجزے اپنے ہنر کے دیکھتے ہیں

سنا ہے بولے تو باتوں سے پھول جھڑتے ہیں
یہ بات ہے تو چلو بات کر کے دیکھتے ہیں

سنا ہے رات اسے چاند تکتا رہتا ہے
ستارے بام فلک سے اتر کے دیکھتے ہیں

سنا ہے دن کو اسے تتلیاں ستاتی ہیں
سنا ہے رات کو جگنو ٹھہر کے دیکھتے ہیں

سنا ہے حشر ہیں‌اس کی غزال سی آنکھیں
سنا ہے اس کو ہرن دشت بھر کے دیکھتے ہیں

سنا ہے رات سے بڑھ کر ہیں‌کاکلیں اس کی
سنا ہے شام کو سائے گزر کے دیکھتے ہیں

سنا ہے اس کی سیہ چشمگی قیامت ہے
سو اس کو سرمہ فروش آہ بھر کے دیکھتے ہیں

سنا ہے جب سے حمائل ہیں اس کی گردن میں
مزاج اور ہی لعل و گوہر کے دیکھتے ہیں

سنا ہے اس کے بدن کی تراش ایسی ہے
کہ پھول اپنی قبائیں کتر کے دیکھتے ہیں

سنا ہے اس کے لبوں سے گلاب جلتے ہیں
سو ہم بہار پہ الزام دھر کے دیکھتے ہیں

سنا ہے آئینہ تمثال ہے جبیں اس کی
جو سادہ دل ہیں‌اسے بن سنور کے دیکھتے ہیں

سنا ہے چشمِ تصور سے دشتِ امکاں میں
پلنگ زاویے اس کی کمر کے دیکھتے ہیں

وہ سرو قد ہے مگر بے گل مراد نہیں
کہ اس شجر پہ شگوفے ثمر کے دیکھتے ہیں

بس اک نگاہ سے لوٹا ہے قافلہ دل کا
سو رہ روان تمنا بھی ڈر کے دیکھتے ہیں

سنا ہے اس کے شبستاں سے متُّصل ہے بہشت
مکیں‌ اُدھر کے بھی جلوے اِدھر کے دیکھتے ہیں

کسے نصیب کہ بے پیرہن اسے دیکھے
کبھی کبھی در و دیوار گھر کے دیکھتے ہیں

رکے تو گردشیں اس کا طواف کرتی ہیں
چلے تو اس کو زمانے ٹھہر کے دیکھتے ہیں

کہانیاں ہی سہی ، سب مبالغے ہی سہی
اگر وہ خواب ہے تعبیر کر کے دیکھتے ہیں

اب اس کے شہر میں‌ٹھہریں کہ کوچ کر جائیں
فراز آؤ ستارے سفر کے دیکھتے ہیں

Uski Kathai Aankhon Main hain

اسکی کتھئی آنکھوں میں ہیں جنتر منتر سب
چاقو واقو، چھریاں وریاں، خنجر ونجر سب

جس دن سے تم روٹھیں، مجھ سے روٹھے روٹھے ہیں
چادر وادر، تکیہ وکیہ، بستر وستر سب

مجھ سے بچھڑ کے وہ بھی کہاں اب پہلے جیسی ھے
پھیکے پڑ گۓ کپڑے وپڑے، زیور شیور سب

آخر کس دن ڈوبوں گا میں فکریں کرتے ہیں
دریا وریا، کشتی وشتی، لنگر ونگر سب

Dil Peh Ik Tarfah Qayamat Kerna

دل پہ اِک طرفہ قیامت کرنا
مُسکراتے ہوئے رخصت کرنا
اچھی آنکھیں جو ملی ہیں اُس کو
کچھ تو لازم ہُوا وحشت کرنا
جُرم کس کا تھا سزا کِس کو مِلی
کیا گئی بات پہ حُجت کرنا
کون چاہے گا تمھیں میری طرح
اب کِسی سے نہ محبت کرنا
گھر کا دروازہ کھلا رکھا ہے
وقت مِل جائے تو زحمت کرنا

Koi Nazam Aisi Likhon Kabhi

کوئی نظم ایسی لکھوں کبھی

تری بات بات کی روشنی
مرے حرف حرف میں بکھر سکے
ترے لمس کی یہ شگفتگی
مرے جسم و جاں میں اتر سکے
کوئی چاندنی کسی گہرے رنگ کے راز کی
مرے راستوں میں بکھر سکے

تری گفتگو سے بناؤں میں
کوئی داستاں کوئی کہکشاں
ہوں محبتوں کی تمازتیں بھی کمال طرح سے مہرباں
ترے بازوؤں کی بہار میں
کبھی جھولتے ہوئے گاؤں میں
تری جستجو کے چراغ کو سر شام دل میں جلاؤں
اسی جھلملاتی سی شام میں
لکھوں نظم جو ترا روپ ہو

کہیں سخت جاڑوں میں ایک دم جو چمک اٹھے
کوئی خوشگوار سی دھوپ ہو
جو وفا کی تال کے رقص کا
کوئی جاگتا سا عکس ہو
کوئی نظم ایسی لکھوں کبھی

کہ ہر ایک لفظ کے ہاتھ میں
ترے نام کے
ترے حرف تازہ کلام کے
کی راز ہوں
جنہیں منکشف بھی کروں اگر
تو جہان شعر کے باب میں
مرے دل میں رکھی کتاب میں
ترے چشم و لب بھی چمک اٹھیں
مجھے روشنی کی فضاؤں میں کہیں گھیر لیں

کوئی نظم ایسی لکھوں کبھی ...... !!

Yeh Jo Sargshtah sey Phirtey hain

یہ جو سرگشتہ سے پھرتے ہیں کتابوں والے
اِن سے مت مِل کہ انہیں روگ ہیں خوابوں والے

اب مہ و سال کی مہلت نہیں ملنے والی
آچکے اب تو شب و روز عذابوں والے

اب تو سب دشنہ و خنجر کی زباں بولتے ہیں
اب کہاں لوگ محبّت کے نصابوں والے

جو دلوں پر ہی کبھی نقب زنی کرتے تھے
اب گھروں تک چلے آئے وہ نقابوں والے

زندہ رہنے کی تمنا ہو تو ہو جاتے ہیں
فاختاؤں کے بھی کردار عقابوں والے

نہ مرے زخم کھُلے ہیں نہ ترا رنگِ حنا
اب کے موسم ہی نہیں آئے گلابوں والے

یوں تو لگتا ہے کہ قسمت کا سکندر ہے فراز
مگر انداز ہیں سب خانہ خرابوں والے ...