ہاۓ اک شخص جسے ہم نے بھلایا بھی نہیں

ہاۓ اک شخص جسے ہم نے بھلایا بھی نہیں
یاد آنے کی طرح یاد وہ آیا بھی نہیں

جانے کس موڑ پہ لے آئی ہمیں تری طلب
سر پہ سورج بھی نہیں راہ میں سایا بھی نہیں
وجہ رسوائی احساس ہوا ہے کیا کیا
ہاۓ وہ لفظ جو لب تک مرے آیا بھی نہیں
اے محبت یہ ستم کیا کہ جدا ہوں خود سے
کوئی ایسا مرے نزدیک تو آیا بھی نہیں
یا ہمیں زلف کے ساۓ ہی میں نیند آتی تھی
یا میسر کسی دیوار کا سایا بھی نہیں
بارہا دل تریی قربت سے دھڑک اٹھا ہے
گو ابھی وقت محبت میں وہ آیا بھی نہیں
آپ اس شخص کو کیا کہیے کہ جس نے امیدؔ
غم دیا غم کو دل آزار بنایا بھی نہیں

کبھی اس سے نہیں کوئی وعدہ چاہا

کبھی اس سے نہیں کوئی وعدہ چاہا
بغیر غرض اسے بہت بہت زیادہ چاہا

گھرا رہتا ہے ان ساحر آنکھوں میں احمر
جب بھی اسے کبھی بھلانے کا ارادہ چاہا

میں جہاں بھی جاؤں جاناں

میں جہاں بھی جاؤں جاناں
رہتی ہیں میرے ساتھ ساتھ
ہر پل
ہر جاء
تیری نظر کی شوخیاں
تیری چشم _ ساحرانہ

احمر

نظر نظر بیقرار سی ہے نفس نفس میں شرار سا ہے

نظر نظر بیقرار سی ہے نفس نفس میں شرار سا ہے
میں جا نتا ہوں کہ تم نہ آؤگے پھر بھی کچھ انتظار سا ہے

مرے عزیزو! میرے رفیقو! چلو کوئی داستان چھیڑو
غم زمانہ کی بات چھوڑو یہ غم تو اب سازگار سا ہے

وہی فسر دہ سا رنگ محفل وہی ترا ایک عام جلوہ
مری نگاہوں میں بار سا تھا مری نگا ہوں میں بار سا ہے

کبھی تو آؤ ! کبھی تو بیٹھو! کبھی تو دیکھو! کبھی تو پوچھو
تمہاری بستی میں ہم فقیروں کا حال کیوں سوگوار سا ہے

چلو کہ جشن بہار دیکھیں چلو کہ ظرف بہار جا نچیں
چمن چمن روشنی ہوئی ہے کلی کلی پہ نکھار سا ہے

یہ زلف بر دوش کون آیا یہ کس کی آہٹ سے گل کھلے ہیں
مہک رہی ہے فضائے ہستی تمام عالم بہار سا ہے

ساغر صدیقی

کسی نظر کو تیرا انتظار آج بھی ہے

کسی نظر کو تیرا انتظار آج بھی ہے
کہاں ہو تم کہ یہ دل بےقرار آج بھی ہے
وہ پیار جس کے لیئے ہم نے چھوڑ دی دنیا
وفا کی راہ میں گھاءل وہ پیار آج بھی ہے
ناجانے دیکھ کے کیوں ان کو یہ ہوا احساس
میرے دل پہ اختیار انہیں آج بھی ہے

میری آنکھوں کو سُوجھتا ہی نہیں

میری آنکھوں کو سُوجھتا ہی نہیں
یا مقدر میں راستہ ہی نہیں

وہ بھرے شہر میں کسی سے بھی
میرے بارے میں پوچھتا ہی نہیں

پھر وہی شام ہے وہی ہم ہیں
ہاں مگر دل میں حوصلہ ہی نہیں

ہم چلے اُس کی بزم سے اُٹھ کر
اور وہ ہے کہ روکتا ہی نہیں

دل جو اک دوست تھا مگر وہ بھی
چپ کا پتھر ہے بولتا ہی نہیں

میں تو اُس کی تلاش میں گُم ہوں
وہ کبھی مجھ کو ڈھونڈتا ہی نہیں

مجھ کو کافی ہے زندگی کے لئے

 مجھ کو کافی ہے زندگی کے لئے
تو جو مل جائے دو گھڑی کے لئے

وہ ہاتھ پرائے ہو بھی چکے

وہ ہاتھ پرائے ہو بھی چکے

اب دُورکا رشتہ ہے قیصر۔

آتی ہےمیری تنہائی میں

 خوشبوِحناء دھیرے دھیرے

حال کُھلتا نہیں جبینوں سے

حال کُھلتا نہیں جبینوں سے
رنج اُٹھائے ہیں کن قرینوں سے

رات آہستہ گام اُتری ہے
درد کے ماہتاب زینوں سے

ہم نے سوچا نہ اُس نے جانا ہے
دل بھی ہوتے ہیں آبگینوں سے

کون لے گا شرارِ جاں کا حساب
دشتِ امروز کے دفینوں سے

تو نے مژگاں اُٹھا کے دیکھا بھی
شہر خالی نہ تھا مکینوں سے

آشنا آشنا پیام آئے
اجنبی اجنبی زمینوں سے

جی کو آرام آ گیا ہے اداؔ
کبھی طوفاں، کبھی سفینوں سے

پتھر بنا دیا مجھے، رونے نہیں دیا

پتھر بنا دیا مجھے، رونے نہیں دیا
دامن بھی تیرے غم نے بھگونے نہیں دیا

تنہائیاں تمہارا پتہ پوچھتی رہیں
شب بھر تمہاری یاد نے سونے نہیں دیا

آنکھوں میں آ کے بیٹھ گئی اشکوں کی لہَر
پلکوں پہ کوئی خواب پرونے نہیں دیا

دل کو تمہارے نام کے آنسو عزیز تھے
دنیا کا کوئی درْد سمونے نہیں دیا

ناصر یُوں اُس کی یاد چلی ہاتھ تھام کے
میلے میں اِس جہان کے کھونے نہیں دیا

بے رُخی تُو نے بھی کی عذرِ زمانہ کر کے

بے رُخی تُو نے بھی کی عذرِ زمانہ کر کے
ہم بھی محفل سے اٹھ آئے ہیں بہانہ کر کے

کتنی باتیں تھیں کہ نہ کہنا تھیں وہ کہہ بھیجی ہیں
اب پشیمان ہیں قاصد کو روانہ کر کے

جانتے ہیں وہ تنک خو ہے، سو اپنا احوال
ہم سنا دیتے ہیں اوروں کا فسانہ کر کے

کیا کہیں کیا ہے اُن کی آنکھوں میں کہ رکھ دیتی ہیں
ایک اچھے بھلے انساں کو دیوانہ کر کے

کوئی ویرانۂ ہستی کی خبر کیا لاتا
خود بھی ہم بھول گئے دفن خزانہ کر کے

آنکھ مصروفِ نظارہ تھی تو ہم خوش تھے فراز
اُس نے کیا ظلم کیا دل میں ٹھکانہ کر کے

ہم نے سب شعر میں سنوارے تھے

ہم نے سب شعر میں سنوارے تھے
ہم سے جتنے سخن تمہارے تھے
رنگ و خوشبو کے، حسن و خوبی کے
تم سے تھے جتنے استعارے تھے
تیرے قول و قرار سے پہلے
اپنے کچھ اور بھی سہارے تھے
جب وہ لعل و گہر حساب کیے
جو ترے غم پہ دل نے وارے تھے
میرے دامن میں آ گرے سارے
جتنے طشتِ فلک میں تارے تھے
عمرِ جاوید کی دعا کرتے
فیض اتنے وہ کب ہمارے تھے

ﺳﻨﻮ ! ﻗﺴﻤﺖ ﺳﮯ ﻟﮍﻧﮯ ﮐﯽ

ﺳﻨﻮ ! ﻗﺴﻤﺖ ﺳﮯ ﻟﮍﻧﮯ ﮐﯽ
ﮐﺒﮭﯽ ﮐﻮﺷﺶ ﻧﮩﯿﮟ ﮐﺮﺗﮯ
ﻣﻘﺪﺭ ﺟﺐ ﻣﺨﺎﻟﻒ ﮨﻮ
ﺩﻋﺎﺋﯿﮟ ﺑﮯ ﺍﺛﺮ ﺟﺎﺋﯿﮟ
ﺗﻮ ﺍﯾﺴﮯ ﻣﯿﮟ ﺑﻐﺎﻭﺕ ﮐﯽ
ﮐﺒﮭﯽ ﮐﻮﺷﺶ ﻧﮩﯿﮟ ﮐﺮﺗﮯ
ﮐﺴﯽ ﮐﮯ ﺳﺎﺗﮫ ﭼﻠﻨﮯ ﮐﯽ
ﮐﺴﯽ ﮐﮯ ﺩﻝ ﻣﯿﮟ ﺑﺴﻨﮯ ﮐﯽ
ﮐﺒﮭﯽ ﺧﻮﺍﮨﺶ ﻧﮩﯿﮟ ﮐﺮﺗﮯ
ﮐﺴﯽ ﺍﮎ ﺷﺨﺺ ﮐﯽ ﺧﺎﻃﺮ
ﺳﺒﮭﯽ ﺳﮯ ﺩﻭﺭ ﮨﻮ ﺟﺎﻧﺎ
ﮐﮩﺎﮞ ﮐﯽ ﯾﮧ ﻣﺤﺒﺖ ﮨﮯ
ﻣﺤﺒﺖ ﯾﮧ ﻧﮩﯿﮟ ﮨﻮﺗﯽ
ﻣﺤﺒﺖ ﺩﻝ ﻣﯿﮟ ﮨﻮﺗﯽ ﮨﮯ
ﻣﺤﺒﺖ ﻋﮑﺲ ﮨﮯ ﺭﺏ ﮐﺎ
ﺟﺒﮭﯽ ﯾﮧ ﻣﺮ ﻧﮩﯿﮟ ﺳﮑﺘﯽ
ﮨﻤﯿﺸﮧ ﺳﺎﺗﮫ ﺭﮨﺘﯽ ﮨﮯ
ﮨﻤﯿﺸﮧ ﺳﺎﺗﮫ ﭼﻠﺘﯽ ﮨﮯ

جنوں میں شوق کی گہرائیوں سے ڈرتا رہا

جنوں میں شوق کی گہرائیوں سے ڈرتا رہا
میں اپنی ذات کی سچائیوں سے ڈرتا رہا

محبتوں سے شناسا ہوا میں جس دن سے پھر اسکے بعد شناسایوں سے ڈرتا رہا

وہ چاہتا تھا کہ تنہا ملوں تو بات کرے
میں کیا کروں کہ میں تنہائیوں سے ڈرتا رہا

میں اپنے باپ کا یوسف تھا اسلئے محسن
سکوں سے سو نہ سکا بھائیوں سے ڈرتا رہا

محسن نقوی

تو اس قدر مجھے اپنے قریب لگتا ہے

تو اس قدر مجھے اپنے قریب لگتا ہے
تجھے الگ سے جو سوچوں عجیب لگتا ہے

آتے آتے، میرا نام سا ره گیا

آتے آتے، میرا نام سا ره گیا
اس کے ہونٹوں پہ کچھ کانپتا ره گیا

وه میرے سامنے ہی گیا اور میں
راستے کی طرح دیکهتا ره گیا

جهوٹ والے کہیں سے کہیں بڑھ گئے
اور میں تها کہ سچ بولتا ره گیا
آندهیوں کے ارادے تو اچھے نہ تهے
یہ دیا کیسے جلتا ہوا ره گیا
ان کی آنکهوں سے کیسے چهلکنے لگا
میرے ہونٹوں پہ جو ماجرا ره گیا
ایسے بچهڑے سبهی رات کے موڑ پر
آخری ہمسفر راستہ ره گیا
سوچ کر آؤ کوئے تمنا ہے یہ
جان من جو یہاں ره گیا ره گیا

وسیم بریلوی

ہاتھ چھوٹیں بھی تو رشتے نہیں چھوڑا کرتے

ہاتھ چھوٹیں بھی تو رشتے نہیں چھوڑا کرتے
وقت کی شاخ سے لمحے نہیں توڑا کرتے
جس کی آواز میں سلوٹ ہو ،نگاہوں میں شکن
ایسی تصویر کے ٹکڑ ے نہیں جو ڑا کرتے
لگ کے ساحل سے جو بہتا ہے اسے بہنے دو
ایسے دریا کا کبھی رُخ نہیں موڑا کرتے
جاگنے پر بھی نہیں آنکھ سے گرتیں کرچیں
اس طرح خوابوں سے آنکھیں نہیں پھوڑا کرتے
شہد جینے کاملا کرتا ہے تھوڑا تھوڑا
جانے والوں کے لیے دِل نہیں تھوڑا کرتے
جمع ہم ہوتے ہیں تقسیم بھی ہوجاتے ہیں
ہم تو تفریق کے ہندسے نہیں جوڑا کرتے
جا کے کہسار سے سر مارو کہ آواز تو ہو
خستہ دیواروں سے ماتھا نہیں پھوڑا کرتے

گفتگو اچھی لگی ذوقِ نظر اچھا لگا

گفتگو اچھی لگی ذوقِ نظر اچھا لگا
مدتوں کے بعد کوئی ہمسفر اچھا لگا

دل کا دکھ جانا تو دل کا مسئلہ ہے پر ہمیں
اُس کا ہنس دینا ہمارے حال پر اچھا لگا
ہر طرح کی بے سر و سامانیوں کے باوجود
آج وہ آیا تو مجھ کو اپنا گھر اچھا لگا
باغباں گلچیں کو چاہے جو کہے ہم کو تو پھول
شاخ سے بڑھ کر کفِ دلدار پر اچھا لگا
کون مقتل میں نہ پہنچا کون ظالم تھا جسے
تیغِ قاتل سے زیادہ اپنا سر اچھا لگا
ہم بھی قائل ہیں وفا میں استواری کے مگر
کوئی پوچھے کون کس کو عمر بھر اچھا لگا
اپنی اپنی چاہتیں ہیں لوگ اب جو بھی کہیں
اک پری پیکر کو اک آشفتہ سر اچھا لگا
میر کے مانند اکثر زیست کرتا تھا فراز
تھا تو وہ دیوانہ سا شاعر مگر اچھا لگا

تیرے بنا کبھی چین سے بسر نہ ہوئی

تیرے بنا کبھی چین سے بسر نہ ہوئی
یہ اور بات ہے کہ اس کی تجھے خبر نہ ہوئی
میں کہکشاں میں بھی تجھکو تلاش کرلیتا
یہ کہکشاں بھی مگر تیری رہ گزر نہ ہوئی
کتنا عجیب تھا ترے دیار کا راستہ
کہ جہاں چاندنی بھی میری ہمسفر نہ ہوئی

یہ اداسیوں کے موسم

یہ اداسیوں کے موسم
یونہی بے وجہ تو نہیں ہیں
تیری چاہتوں نے تھکا دیا
تیری یاد نے ستا دیا ہے
جہاں بھی گئے تجھے تلاشا

ہم بھی تھے رونق محفل کبھی

تیری وحشتوں نے ہمیں اجنبی بنا دیا

مدت سے خامشی ہے چلو آج مر چلیں

مدت سے خامشی ہے چلو آج مر چلیں
دو چار دن تو گھر میں ذرا انجمن رہے

تم کو جانتے نہیں پر چاہتے ہیں ہم

میری جاناں
*
تم کو جانتے نہیں
پر چاہتے ہیں ہم
دن بھر کھوجتے نہیں
پر سوچتے ہیں ہم
تمہارے دل میں رہتے نہیں
پر تمہارے ہیں ہم
تم کو شاید پائیں گے نہیں
پر اپنائیں گے ہم

جیوں میں کبھی نہ مل پاؤ
بس بچھڑ جاؤ گی تم
شاید میری نہ بن پاؤ
مگر مسکراؤ گی تم
رات اندھیری ہوگی
پھر بھی جھلملاؤ گی تم
ہمیں اور کوئی نہیں
بس یاد آؤ گی تم
*
بس 

یاد آؤ گی
تم

صرف تم