Adain Hashar Jagain

اَدائیں حشر جگائیں، وُہ اِتنا دِلکش ہے،
خیال حرف نہ پائیں، وُہ اِتنا دِلکش ہے،

چمن کو جائے تو دَس لاکھ نرگسی غنچے،
زَمیں پہ پلکیں بچھائیں، وُہ اِتنا دِلکش ہے،

غزال قسمیں ستاروں کی دے کے عرض کریں،
حُضور! چل کے دِکھائیں، وُہ اِتنا دِلکش ہے،

اُداس غنچوں نے جاں کی اَمان پا کے کہا،
لبوں سے تتلی اُڑائیں، وُہ اِتنا دِلکش ہے،

وُہ پنکھڑی پہ اَگر چلتے چلتے تھک جائے،
تو پریاں پیر دَبائیں، وُہ اِتنا دِلکش ہے،

یہ شوخ تتلیاں ، بارِش میں اُس کو دیکھیں تو،
اُکھاڑ پھینکیں قبائیں، وُہ اِتنا دِلکش ہے،

وُہ چاند عید کا اُترے جو دِل کے آنگن میں،
ہم عید روز منائیں، وُہ اِتنا دِلکش ہے،

حلال ہوتی ہے پہلی نظر تو حشر تلک،
حرام ہو جو ہٹائیں، وُہ اِتنا دِلکش ہے،

جو کام سوچ رہے ہیں جناب دِل میں اَبھی،
وُہ کام بھول ہی جائیں، وُہ اِتنا دِلکش ہے،

سرہانے میر کے ٹُک فاتحہ کو گر وُہ جھکے،
تو میر شعر سنائیں، وُہ اِتنا دِلکش ہے،

غزال نقشِ قدم چوم چوم کر پوچھیں،
کہاں سے سیکھی اَدائیں، وُہ اِتنا دِلکش ہے،

اَگر لفافے پہ لکھ دیں، ملے یہ ملکہ کو،
تو خط اُسی کو تھمائیں، وُہ اِتنا دِلکش ہے،

عقیق، لولو و مرجان، ہیرے، لعلِ یمن،
اُسی میں سب نظر آئیں، وُہ اتنا دلکش ہے،

گلاب، چمپا کلی، یاسمین، گیندا، کنول،
اُسے اَدا سے لُبھائیں، وُہ اتنا دلکش ہے،

ستارے توڑ کے لانے کی کیا ضرورت ہے،
ستارے دوڑ کے آئیں، وُہ اِتنا دِلکش ہے،

جفا پہ اُس کی فدا کر دُوں سوچے سمجھے بغیر،
ہزاروں ، لاکھوں وَفائیں، وُہ اِتنا دِلکش ہے،

ہم اُس کے چہرے سے نظریں ہٹا نہیں سکتے،
گلے سے کیسے لگائیں، وُہ اِتنا دِلکش ہے،

نجومی دیر تلک بے بسی سے دیکھیں ہاتھ،
پھر اُس کو ہاتھ دِکھائیں، وُہ اِتنا دِلکش ہے،

تمام آئینے حیرت میں غرق سوچتے ہیں،
اُسے یہ کیسے بتائیں، وُہ اِتنا دِلکش ہے،

صنم کی تجھ کو قسم قیس روک دے یہ غزل،
رَفیق مر ہی نہ جائیں، وُہ اِتنا دِلکش ہے،

Ik Pal Main Hogaye Gum

اک  پل میں  ہو گئے گم

رابطے، راستے اور تم

Woh darjan bhr maheenon sey

وہ درجن بھر مہینوں سے
سدا ممتاز لگتا ہے
دسمبر کس لئے آخر
ہمیشہ خاص لگتا ہے؟؟

بہت سہمی ہوئی صبحیں
اداسی سے بھری شامیں
دوپہریں روئی روئی سی
وہ راتیں کھوئی کھوئی سی

گرم دبیز ہواؤں کا
وہ کم روشن اجالوں کا
کبھی گزرے حوالوں کا
کبھی مشکل سوالوں کا

بچھڑ جانے کی مایوسی
ملن کی آس لگتا ہے
دسمبر کس لئے ؟
آخر ہمیشہ خاص لگتا ہے

....

Kis qadr pur malal hotey hain

ﮐﺲ ﻗﺪﺭ ﭘﺮ ﻣﻼﻝ ﮨﻮﺗﮯ ﮬﯿﮟ ...
ﻓﺎﺻﻠﮯ ﻻﺯﻭﺍﻝ ﮬﻮﺗﮯ ﮬﯿﮟ ......
ﺟﻮ ﺯﻣﺎﻧﮯ ﺳﮯ ﻟﮍ ﻧﮩﯿﮟ ﺳﮑﺘﮯ
ﺍﻥ ﮐﮯ ﻣﺸﮑﻞ ﻭﺻﺎﻝ ﮬﻮﺗﮯ ﮬﯿﮟ
ﭘﯿﺎﺭ ﮐﺮ ﮐﮯ ﻧﺒﺎﮨﻨﮯ ﻭﺍﻟﮯ ..........
ﺁﭖ ﺍﭘﻨﯽ ﻣﺜﺎﻝ ﮬﻮﺗﮯ ﮬﯿﮟ .......
ﺟﻦ ﮐﯽ ﺁﻧﮑﮭﻮﮞ ﻣﯿﮟ ﺭﺗﺠﮕﮯ ﺟﺎﮔﯿﮟ
ﺍﻥ ﮐﮯ ﺳﭙﻨﮯ ﮐﻤﺎﻝ ﮬﻮﺗﮯ ﮬﯿﮟ
ﻋﺸﻖ ﮐﯽ ﭼﻮﭦ ﮐﮭﺎﻧﮯ ﻭﺍﻟﻮﮞ ﮐﮯ
ﺯﺧﻢ ﺑﮭﺮﻧﮯ ﻣﺤﺎﻝ ﮬﻮﺗﮯ ﮬﯿﮟ ....
ﺍﻥ ﮐﯽ ﻧﻈﺮ ﮐﺮﻡ ﮐﯽ ﺣﺴﺮﺕ ﻣﯿﮟ
ﺭﻭﺯ ﮐﺘﻨﮯ ﻧﮉﮬﺎﻝ ﮬﻮﺗﮯ ﮬﯿﮟ ......
ﻓﺮﻗﺘﻮﮞ ﻣﯿﮟ ﻭﺻﺎﻝ ﮐﮯ ﻗﺼﮯ ......
ﮐﺘﻨﮯ ﺭﻧﮕﯿﮟ ﺧﯿﺎﻝ ﮬﻮﺗﮯ ﮬﯿﮟ ...
ﺟﺎﻧﮯ ﻭﺍﻟﮯ! ﮬﻢ ﺁﺝ ﺗﮏ ﺗﯿﺮﯼ .....
ﺁﺭﺯﻭ ﻣﯿﮟ ﻧﮩﺎﻝ ﮬﻮﺗﮯ ﮬﯿﮟ .........

December ki thatherti hoi

دسمبر کی ٹھٹھرتی ہوئی شامیں
کہر میں لپٹی دھندلی سی صبحیں
درختوں سے گرتے ہوئے خشک زرد پتّے
خیال آباد کرتے ہیں . .
تمہیں سب یاد کرتے ہیں !
تمہیں سب یاد کرتے ہیں !
♥

Dil agar be-naqab hotey

ﺩﻝ ﺍﮔﺮ ___ ﺑﮯ ﻧﻘﺎﺏ ﮨﻮﺗﮯ
ﺗﻮ ﺳﻮﭼﻮ ﮐﺘﻨﮯ ﻓﺴﺎﺩ ﮨﻮﺗﮯ