Bas Ek Harf-E-Aagahi ♥

Bas Ek Harf-E-Aagahi, Bas Ek Izn-E-Guftagoo,
Aisa Mile Lamha Koi, Baatein Hon Tere Ru-Baroo,

Kal Raat Poore Chaand Ko Dekha Nahate Jheel Mein,
Bilkul Shabahat Thi Teri, Chehra Tha Tera Hoo-Bahoo,

Lehje Ki Tere Chaashni, Mere Labon Mein Yun Ghuli,
Jese Ho Mujh Mein Bolta, Meri Jagah Bas Ek Tu,

Teri Talab Mein Hai Dil-E-Muztar Mere Khaatir Shikan,
Justjoo Teri Liye Phirti Hai Mujh Ko Koo-Ba-Koo,

Toote Elahi Na Kabhi Mujh Se Kisi Ka Dil Kahin,
Chahe Saf-E-Ahbaab Mein Shamil Hon Mere Hi Adoo.