Mujh se rakhna hey taaluq to phir aisa rakho
Saba ka bahar se,
gulistan ka jaisey phoolon se
Mujh se rakhna hey taaluq to phir aisa rakho
hey moj ka darya se,
kashti ka baadban se,
rishta hey jaisey aati hui saanson ka jaan se
hey jaisa taaluq dharkano ka Dil se
Mujh se rakhna hey taaluq to phir aisa rakho
hey chaand sitaaron ka jaisey aasman se
Nisbat hey jaisay behtey huwey darya ko samandar se
tughyanyun mein jaisey har moj ko bhanwar se
Mujh se rakhna hey taaluq to phir aisa rakho
har ek khushi ka gham se,
deewar-o-dar ka ghar se
rastey ka manzilon se,
musafir ka rah guzar se
taptey huwey sehra mein jaisey saaye ka shajar se
tanhaiyun ka jaisey firaq o hijar se
mujh se rakhna hey taaluq to phir aisa rakho
